التربية
السلام عليكم ورحمة الله وبركاته
عاوزة اتكلم عن موضوع تربية الاطفال
الواحد بيشوف اطفال عندها اخلاق عاليه اوى ومحترمين اوى وبيعملوا اللى وارهم على اكمل وجه
وبيشوف اطفال تانيه مش محترمين خالص وعندهم لا مبالاه مش بيزاكروا ولا بيعملوا حاجه
المشكله انى هتجنن واعرف هل ده نتاج تربية الاهل ؟؟
هو ده المفروض ان تربية الاهل بتنعكس على الطفل
لكن نيجي نقول كده للاهل يقولوا ان هما عملوا اللى عليهم وان بوظان عيالهم من مؤثرات تانيه
زى مثلا التليفزيون او النت او الشارع او المدرسه والاصدقاء
اكيد كل دول ليهم عوامل بس المفروض يكون العامل الرئيسي واللى بيتحكم فى كل ده التربيه
صح ولا ايه
انا عندى كلام كتير اوى فى الموضوع ده ونماذج قدامى وقريبه من اوى هما اللى حيرونى فى الموضوع ده
عشان كده عاوزة اعرف أرائكوا فيه
لانى خلاص اتعقدت بجد اوى اوى
عاوزة اعرف هل فى امل ان الواحد يطلع اطفال متربيين ولا خلاص دى حاجه مش فى ايدي
يعنى قولوى الغلط فين ؟؟
سلام
اعتقد ان العامل الرئيسى هما الاهل فعلااا
الاطفال صغيرين مش عارفين حاجة غير انهم عايزين يلعبو مين يقيمهم مين يوفرلهم اللعب والاحترام معااا
الاهلى لا محالة
طيب والحجج اللى زى دى
زى مثلا التليفزيون او النت او الشارع او المدرسه والاصدقاء
طيب مين المسؤال على كل ده مين اللى يقدر يوجههم للصح مين يقولهم اعملو كذا واعملو كذا وسيبوه ده وسيبوه ده
اللى يقيم العلاقة دى هما الاهل
سلاااااام
Comment by mr metoo — June 24, 2008 @ 9:06 pm
نودي حبيبه قلبي وحشتيني جدا
المهم خلينا في الموضوع المهم ده انا راي ان الاهل هما الاساس في التربيه لان انا عندي نماذج وكل يوم من الصبح لبليل بشوف الفرق والله بين المؤدب واللي مش مؤدب
يعني مثلا زياد حبيبي لسه سنتين ونص بس مؤدب ومحترم لما تقوليله حاجه ينفذها انما التاني ده مش محترم بالمره ورغم انه خمس سنين
فياريت كل حد عنده اطفال يقدر يوجههم للطريق السليم
سلام
Comment by yasmin — June 24, 2008 @ 9:26 pm
بالنسبة للتربية فـ في الاصل الموضوع متوقف فقط علي الاهل هم اللي بيربو و ينشئو الطفل حتي مرحلة معينة يتوقف فيها تاثير الاهل تماما و يبداء التئثير من الخارج مثل الاصدقاء-اكبرمركزتاثير- و المدرسة و التلفزيون
لاكن يبقي لدي الشاب او الطفل الاساس اللي الاهل زرعوه فية و هو اللي هيقوم بتربية نفسة و الوقوف امام كل المؤثرات دي و يتصدي بالدرع اللي اهلة ادهولو و هو صغير امام اي حاجة خارجية
عشان كدة الاهل اهم مرحلة مرحلة الطفولة لان دي المرحلة اللي هيئدرو يوجهو ابنهم فيها بعد كدة لو معرفوش يوجهو صح اذا النتيجة هتكون …………
Comment by eslam.mahmoud Hunikal — June 24, 2008 @ 11:48 pm
والله يا هند الموضوع دا مضايقنى جدا جدا الأيام دى ..
وبالنسبة لسؤالك ..انا..بيتهيألى فعلا ..ان الاساس الاهل…لكن أوقات .. الاطفال مش بيستجيبوا ..بأى طريقة والله … وبيكبروا وهما غلط … ودى المشكلة …
اللى نفسى أعرفه دلوقتى … هو فى أمل الناس اللى كبرت خلاص دى .. وبقوا أطول من أهليهم … ولا خلاص معدش ينفع ..؟؟
بجد ربنا يهديهم …
ويهدينا..اللهم أمين …
Comment by MeMe — June 25, 2008 @ 12:49 am
انا برضه رأيي ان الاهل طبعا هما ليهم اكبر عامل فى التربيه
بس لما افكر ارجع اقول معنى الكلام ده ان مبقاش فى اهل بيربوا يعنى ولا ايه ؟؟
لانى بصراحه مبشوفش اطفال متربيين غير قليل اوى اوى
الباقى دول بقى اللى هما الكتره دلوقتى متربوش ؟؟
مش معقول كل دول اهالى فشلوا فى التربيه !!
Comment by hend89 — June 25, 2008 @ 2:07 pm
لا طبعا مش معقول إن الأهالى بس هم المسئولين عن تربيه أبنائهم.
المجتمع كل مسئول عن فرض الإنطباعات عند الأفراد كلهم.
ووقت ماسمحوا ان الافلام بتاعة الايام دى يتداول فيها ألفاظ مش محترمه, أظن يبقى فى المجتمع كاملاً مسئول مش من الناحيه دى بس لكن من نواحى كتير.
Comment by soul_of_darkness — June 25, 2008 @ 3:23 pm
طبعا طبعا طبعا من الأهل
على الأقل فى مرحلة الطفوله
تحياتى
Comment by blue-wave — June 25, 2008 @ 11:24 pm
انتى ممكن تلاقى بيت فيه عيال محترمه وزى الفل ونفس البيت فيه عيل فاسد وبايظ
اكيد بيبقى فيه بالاضافه للاهل عوامل تانيه تأثر على الطفل بس الاهل هما اللى ليهم التأثير الاكبر وانا عن نفسى شايفه ان امثل حل للتربيه فى الزمن ده هى ان الاب والام يبقوا اصدقاء للولد او البنت وحطوا مييت خط تحت الاب والام لان مش واحد بس كفايه الاتنين بيأثروا وواحد لوحده ماينفعش
وشكرا يا هند على الموضوع الجميل ده اللى كتير بسأل نفسى السؤال ده ليه نفس البيت بيطلع الحلو والوحش
Comment by Dina90 — June 26, 2008 @ 5:30 pm
بصي يا دينا هقولك ليه نفس البيت بيطلع منه الحلو والوحش
اللى انا شايفاه ان عشان مش بتبقى المعامله واحده
وانتى نفسك شوفى الفرق بين معاملة باباكى ومامتك ليكي ولاخوكى
متهيقلى انتى اكتر واحده عارفه الموضوع ده
صح
Comment by hend89 — June 26, 2008 @ 8:41 pm
بجد يا هند ده موضوع خطييييييير جدااااا
وملاحظه فعلا اليومين دول ان الاهل هما اللى عايزين يتربوا الاول صح بجد انا بشوف اهالى غريبه اوى
اشوف اب مثلا معاه ماشى مع بنتين وزورو باين من كتر الضحك وبناته مش لابسين جانبه والناس بتبص عليهم وهوا ولا هوا هنا مبسووووط اوى
واشوف اب تانى مثلا كل شويه يدى لابنه فلوس خد يابنى وعيش ومش بيسأله صرفهم فى ايه ؟؟؟
وام سايبه عيالها طول النهار قدام التلفزيون والنت بيعملوا ايه الله اعلم
بشوف مجتمع بينهاااار واحنا ولا احنا هنا الا من رحم ربه
بجد الاهالى دوووول عليهم مسؤليه كبيره اوى وكلهم هيتسألوا قدام ربنا على عيالهم
والحاكم طبعا هيتسأل عن المجتمع كله وسبب فساده
فى الاخر عايزه اقول معادله مهمه
اب متربى صح واخلاق وقيم ودين + ام متربيه صح واخلاق وقيم ودين +تفاهم بين الاب والام واتفاقهم على منهج التربيه واسلوب صح مع اطفالهم اكيييييييييييييييييد ==== جيل متربى صح ومتدين
ولو كل الاسر كده اكييييييد برده ==== مجتمع متربى وفيه اخلاق وقيم
وبس كده
سلام يا قمر واحفظى المعادله دى كويس
Comment by katkat — June 26, 2008 @ 10:55 pm
والله يا كوكو
دلع كات كات يعنى متفتكريش حاجه تانيه
معادله حلوة اوى اوى والله
واهم جزء فيها التفااااااااااااااهم
وده اللى مخوفنى من ………
وفعلا لما المعادلة دى تحقق اكيد هيكون فى جيل متربى
————————-
يعنى كده المعظم بيقول ان العيب فى الاهل
:) يبقى كده فى امل
لكن لو العيب مش من الاهل
يبقى بصراحه مفيس امل
ربنا يستر
Comment by hend89 — June 27, 2008 @ 7:46 pm
نودى ازيك ؟ ايش تكون اخبارك
توبك جميل وحلو
بس انا لحد الان مش لقيت سبب صح ميه ف الميه
بجد لو عرفت ايه السبب هبقى اقولك عليه
وانتى يا كات كات
انتى عشان كنتى علمى رياضه هتعملى علينا بتاعه وتقولى معادلات ومتباينات
عايزاكى بس تعرفى ان لكا قاعده شواااااااااااااااااااااااااااااذ
وحطى تت شواذ ديه ديشليون خط
سلااااااااااااااااموز باللبن
Comment by habhoba — July 4, 2008 @ 1:58 am