هل الولاد اذكى من البنات ؟؟
السلام عليكم ورحمة الله وبركاته
هتكلم فى موضوع بفكر فيه كتير وليا رأى فيه وعاوزة اعرف ده رأيي انا لوحدي ولالا ؟؟
الموضوع ببساطة زى العنوان هل الولاد اذكى من البنات ؟؟
رايي بقى فى الموضوع
ان الولاد اذكى من البنات
او هقول بمعنى تانى ان البنات بيحفظوا اكتر ما بيفهموا لكن الولاد بيفهموا اكتر ما بيحفظوا
ده غالبا يعنى
لاحظت الحكاية دى اوى
وخصوصا لما كنا فى رياضه2 كانت نسبة الولاد اكتر من البنات بكتير
معظم البنات بيدخلوا احياء عشان مادة حفظ اوى
ومن خلال ملاحظتى بقى فى المدرسه والدروس مثلا وكده لاحظت الفرق ده اوى
بعدها فكرت فى حاجه كمان
لما تيجي تسأل الاطفال هما نفسهم يطلعوا ايه
معظم البنات بيقولوا دكتورة ومعظم الولاد مهندس
صح ؟؟؟
نيجي بقى فى الكلية معظم اللى بيدحوا ويحفظوا ويصموا ويطلعوا الاوائل بنات
معظم اللى بيشتغلوا فى المشاريع وناجحين فى الشغل هما الولاد
يعنى مثلا ع المنتدى لما حد يسال سؤال فى الكمبيوتر مفيش بنات بترد الولاد هما اللى بيردوا
لما حد يجي يشرح حاجه الولاد هما اللى بيشرحوا مش البنات
انا والله مش متدايقه من الموضوع ولا حاجه يعنى
بس انا بس مستغربه
وعاوزة اعرف رأيي ده انا لوحدى ولا انتوا ايه وجهة نظركوا ؟؟
وهى والله مش عقدة ولا حاجه
الموضوع عادى يعنى جدا
امبارح قبل اما انام فكرت فيه فقولت اكتبه النهارده واشوف رأيكوا
يعنى كلامى صح ولا غلط ولو صح فهو ليه كده مينفعش ده يتغير ؟
وطبعا انا متكلمتش عن الكل انا بقول المعظم
يعنى طبعا لكل قاعده شواااااااااااااااااااااذ
لكن الاغلبيه كده
بس كفايه كده
سلام
والله يا هند انا كنت بفكر فى الموضوع ده عشان من يومين كده كنت بزاكر لاحمد وكنت مضايقه منه اوى بس انا شايفه يعنى من وجهه نظرى ان الولاد مش كلهم اذكيه وفى مراااااحلى الدراسيه كلها مشفتش ولد ذكى خاااالص عدا الكليه فيها ناس ما شاء الله كويسه جدا بس طبعا برده فى الشغل والعمل مش فى المزاكره والحفظ
وعلى فكره بقى انا شايفه ان البنات مجتهده اكتر من الولاد
بس الفكره ان الولاد بيحبوا الشغل العملى اكتر وبيتعلموا اكتر
انما البنات بيشوفوا دراستهم اكتر من الشغل العملى عشان هما بنات
بس البنات لو اشتغلوا عملى اكتر زى الولاد هيكونوا ازكى منهم
محدش يزعل بقى دى وجهه نظرى
البنات حفيظه شويه بس مش كلهم انا مش كده
والولاد مش بيهتموا اصلا بالدراسه بيحبوا الحاجات العملى اكتر عشان دى طبيعتهم العــــــــــــــــمل
بس كده
طولت اوى
سلااااااام
Comment by katkat — June 11, 2008 @ 8:15 pm
السلام عليكم ورحمة الله وبركاته
:D
:D
:D
بصراحه الكلام دا صحيح … حتي لو حضرتك جيبتبها من منظور الطبيعة او سنة الحياة .. ان الرجل هو اللي دايما بيشتغل وبيدور ويروح ويجي
كدا يعني
وطبعا دي القاعدة اكييييييييييييد ليها شواذ
انا طبعا بتكلم عن طبيعة الحياة عموما
####################
لكن انا شايف ان مجالنا دا مجال لا يتربع عرشه الرجال فقط
فيه نساء ايضا … بس بردو هنرجع لسنة الحياة وهنقول انهم قليلين
اصحاب الشركات .. رجال … قليل لو لقيت نساء
لكن بصراحه انا شايف ان في فرصة لتغيير الوضع خصوصا ان مهواش قاعدة لازم تتبع … هي قاعده اه لكن مش عشان هي قاعدة خلاص يبقي انا مش بايدي حاجة
بالمناسبة موضوع دكتور ومهندس دي
:D
فعلا ……. تقريبا اي طفل يقولك انا عاوز ابقي مهندس وانا من صغري كنت كدا
لكن اجي اسال اختي .. تقولي هبقي دكتورة
ومرة تقولي هبقي زويلة
طب مهندسة ؟؟ لا
:D
بس
Comment by Falcon — June 11, 2008 @ 8:35 pm
أولا السلام عليكم
لأن طبعا القدرة على الحفظ منعدمة ما شاء الله يعنى عندى زهايمر
وعامة ربنا مش بيدى للأنسان كل حاجة لو خدت ذكاء هتلاقى عامة مفيش حفظ والعكس صحيح
ثانيا هو يمكن كلام حضرتك صح
فعلا بنسبة 80% من البنات بتحفظ اكتر ونفس النسبة من الولاد بتفهم اكتر
بس برضه فيه نسبة 20% من البنات بتفهم اكتر من قدرتها على الفهم
لأن ماينفعش نعمم قاعدة زي دى على متغيرات زى البنات أو الولاد
وعامة اعتبريني ولد
وده سر تفوقى فى الكلية
وكفاية كده سلاااام
Comment by my fate — June 11, 2008 @ 8:39 pm
اه بالمناسبة
انا كان معايا واحده في الثانوية العامة …… عجز جمييييييييييييييييييييييييييييييييييع المدرسيين عن استيعاب مدي الذكاء اللي كانت تملكه البنت دي
ما شااء الله .. بنت في قمة الذكاء
ربنا يحميها ويوفقها .
وما شاء الله جابت بالمستوي 99.9
وهي دلوقتى في طب
والبنت دي كانت في قمة الاحترام والأدب والأخلاق وكانت حافظة القرآن كمان
لذلك بصراحه كانت بمليووووووووووووووووووووووووووون ولد معانا
والأساتذة كلهم اعترفوا بكدا …… وكانت تتفوق علي المدرسين كماااااااان
لكن بردو
لا تصلح في المجال الخشن
Comment by Falcon — June 11, 2008 @ 8:54 pm
أممممممممم
هو ياهند أنا موافقى الرأى ..
بس هى مسألة نسبية على فكرة …
يعنى ..الغالبية العظمى من الولاد .. بيحبوا يشغلوا مخهم .. ويستغلوا بايديهم عملى وكدا …
وفى نسبة منهم … مش قليلة لكن فى نفس الوقت مش كتيرة …بيحبوا الاجتهاد فى المذاكرة أكتر ..والحفظ برضه وكدا
فى البنات بقى على العكس ..
يعنى النسبة الكبيرة هى اللى بتميل للأجتهاد فى المذاكرة .. ويبقوا عايزين تقدير عالى مثلا ..او كدا …
والنسبة الصغيرة . هما اللى يبقوا مالهمش فى الحفظ أوى .. ويميلوا للشغل العملى …
وللأسف .. انا ..كنت من الناس اللى وهما صغيرين قالوا ..عايزة ابقى مهندزة … وياريتنى ما قلت …
(بهزر طبعا ):))
الحمد لله
وشكــرا ع الموضوع …
Comment by MeMe — June 11, 2008 @ 11:26 pm
الاول اسمحيلي اضحك شويه
هههههههههههه
لان فعلاا الموضوع غريب شويتين
نيجي بقي لوجهه نظري في الموضوع
الحكايه مش ده ذكي ودي مش ذكيه
الموضوع اختلاف المواهب والقدرات
يعني مثلاا هقولك ليه البنت مش شاطره في لعب الكوره مش عشاان هيا غبيه مثلاا ولا مبتعرفش تجري
عشاان هيا بنت .. اللعبه مش ملائمه لطبيعتها
نيجي لموضوع الكمبيوتر هتلاقي ان معظم الاولاد
خبرتهم اكتر فيه وفي المشاكل بتاعته
مش عشاان هوه اذكي من البنت لا
عشاان هوه اتحط في المجال ده
يعني بزمتك اخواتك بيروحوا السيبر من وهما عندهم اد ايه
عايزه تقارني واحد اعد من ابتدائي في السيبر وبيتكلم مع اصحابه في االحاجات اللي نزلت والمشاكل بتاعت الكمبيوتر
مع واحده لسه اعده من مثلاا من 3 سنين علي الكمبيوتر
كل وظيفتها تستخدم البرامج وبس
اول ما تيجي مشكله بتجري علي اخوتنا يحلها
حتي مبنحاولش اننا نحااول
كل اللي عايزه اقوله ان مفيش جنس اذكي من التاني
او انا مش مقنعه بالموضوع ده
نيجي لموضوع الدراسه
زي ما في بنات بتعد علي الكتاب وتحفظ
في ولاد برده كده
بالنسبه بقي لموضوع ان الاولاد تلاقيهم في المشاريع احسن وكده
انا معاكي بس اكييد هوه مهتم بالموضوع يعني اهتم انه يشتغل عملي عشان مثلاا هوه عارف ان ده اللي هيفيده لما يتخرج
بس برده هنرجع نقول ان في بنات كويسين في العملي
ونرجع نقول برضه ان في ولااد مش كويسين في العملي
يعني من الاخر بقي عشاان انا اتكلمت كتيير
الموضوع ده رااجع علي الانسان نفسه
مش جنسه ( ولد او بنت )
وشكراا يا جمييل علي الموضوع
Comment by sandy — June 12, 2008 @ 1:48 pm
رأى ساندى صح . . .
مفيش حاجه اسمها مين الازكى بين الولد والبنت … كل الحكايه مسأله خبره واحتكاك سواء كان بالكمبيوتر زى ما بتقولى او بالحياه بصفه عامه … وزى ما قال فالكون فى بنات كتير جدا احسن من الاولاد بمراحل … العامل على الانسان نفسه ; لو عاوز يبقه حاجه كويسه …هيكون رغم اى صعوبات
كمثال : حاولى مثلا تسألى عن كل حاجه فى الهاردوير ومثلا صحبتك عندها مشكله فكرى معاها او لو اتحلت اعرفى كان حلها ايه ومره فى مره هتكونى عرفتى 100 مشكله وفى المقابل عرفتى 100 حل لها . . . ودا بالنسبه لكل المجالات
هتتعبى فى الاول بس كله يهون فى مقابل الخبره اللى اكتسبتيها اللى غيرك بيتمناها
وربنا يوفقك ان شاء الله
Comment by ahmed sultan — June 16, 2008 @ 9:21 am
طبعا اكيد وبمراااااااااااااااااااااااااااااااااحل:))
Comment by blue-wave — June 23, 2008 @ 12:14 am