اخدنا الاجااااااااااااااااااااازة
السلام عليكم ورحمة الله وبركاته
اولا : الموضوع بينقسم إلى شقين
شق سعادة وشق حزن
نتكلم عن شق السعادة الاول
النهارده كان آخر يوم فى الامتحانات خلاص الامتحانات خلصت
بجد مش مصدقه حاسه انى بقالى قرن بمتحن مش عارفه فى ايه
من اول ما بدأنا اول امتحان ميد تيرم من يومها واحنا فى دوامة الامتحانات
النهارده بقى خلصلنااااااااااااااااااااااااا
كان ختامه مسك
الجرييييييمه
الامتحان كان رائع وكان جاى من الاسئلة اللى الدكتور ادهالنا
حليت اول سؤالين بس مش حل كامل طبعا لانى ماليش فى الدش والكتابة الكتير
السؤال التالت مجبتش سيرته فى الورقه خالص
الرابع والخامس ألفتهم
خلصت الساعه 2 ونص
عظمه على عظمه ياست
بس النهارده مكنتش شاذه فى خروجى بدري
الدفعه كلها اكنت برا ع الساعه 3
وفضلنا قاعدين بقى مع اصحابنا
الناس كلها كانت قاعده ومكانوش عاوزين يروحوا
وبعد كده اسماء اخت اسلام جتلنا الجامعه 
البنات كلهم بتوع المنتدى رحبوا بيها اوى اوى
لانها بصراحه زى العسل وانا بجد بحبها اوى
وهى كان نفسها تتعرف على كل الناس اللى ع المنتدى 
المهم سلمنا ع العيال كلهم وكده وبعدين خرجنا انا واصحابى روحنا اتغدينا
وبعد كده ودعنا بعض وبعدين خلاص روحت وقاعده ع البلوج دلوقتى
اول مرة اقعد عليه فى الاجازة احساس مختلف برضه
نيجي بقى للشق الحزين فى الموضوع
بجد كنت زعلانه جدا جدا ومش مصدقه انى مش هنزل الكلية ومش هشوف اصحابى تانى
كنت بسلم عليهم وانا زعلانه مووووووووت والله
بجد انا بحب الكلية وكل اصحابى اللى فيها اوى اوى اوى اوى
انا مش قادره اتخيل انى مش هنزل الكلية تانى كل يوم لمدة 3 شهور
ياااااااه كتير اوييييييييييي
خلاص يعنى كنت ماسكة دمعتى بالعافيه والله
رغم انها نزلت يعنى بس مش اوى
قدرت امسك نفسي
بجد بقول لاصحابى كلهم انهم هيوحشونى اوى اوى اوى
ويارب اشوفهم السنة الجابة على خير ونكون كلنا حققنا اللى نفسنا نحققه فى الاجازة
بتمنى لكل الناس اجازه سعيده بجد
ويارب اعمل كل اللى نفسه اعمله فى الاجازة دى قبل اما السنة الجابه تبدا
ويارب كل واحد يدخل القسم اللى هيكون موفق فيه ان شاء الله
سلام
والله يا هند انا فرحانه موت وفى نفس الوقت زعلانه جدا
هتوحشونى موووووت
بس لينا تجمعات تانيه يابت انتى نسيتى ولا ايه اولها 29/6 يااااارب يجى بسرعه
سلااااااام بقى
Comment by katkat — June 4, 2008 @ 10:07 pm
انتي بتتفقي انتي والبت كات كات علي اسم الموضوع اللي بتحطوه في البلوج
ولا هيا جاات كده
المهم مبرروك يا حبي علي الاجازه وان شاء الله تكوون سعيييييييده علينا كلنا
وبجد والله هتوحشوني اووي جداا خااالص
بس الايام بتعدي وان شاء الله هنشوف بعض تااني
انا صراحه مش عارفه ازااي مشيت كده من غير ما اسلم علي حد ولا اي حاجه
يلاا الظرووف بقي
بس قوليلي يا بت انتي النتيجه ايه تعاادل ولا اي ؟؟ه;)
يلا اشوفك علي خير يا قمر
سلااام
Comment by sandy — June 5, 2008 @ 12:13 am
الامتحان كان كويس جدا والتاليف اشتغل والحمد لله بيجيب نتيجة مش بطالة
وربنا يستر بقى فى النتيجة ان شاء الله
واشوفكم على خير ياجماعة السنة الجاية وتكونوا استفدتم من الاجازة
Comment by Mirage — June 5, 2008 @ 3:24 am
*** لانها بصراحه زى العسل وانا بجد بحبها اوى ***
أنا كمان بحبك يا قمر .. وانتي اللي زي العسل والله
وبجد كان يوم جميييييييل جدا وكلكوا بنات زي العسل
وفرحت اوي اني شوفتكوا كلكوا
هند سواق التاكسي قالك حاجه لما ركبتي ؟
هو كان هيتشل صحيح بس طلع محترم والله
واستناكي لما خلصتي سلام علينا
Comment by SIMSIMA — June 5, 2008 @ 10:59 am
اه صحيح يووه نسيت
هو ليه مفيش Edit للتعليقات ؟
مبروك الاجازه يا قمر
ويارب تستفيدي بكل دقيقه فيها ان شاء الله
Comment by SIMSIMA — June 5, 2008 @ 11:02 am
KaKat
اكيد طبعا من غير كلام انتوا كلكوا هتوحشونى موت
بس اكيد برضه هنشوف بعض فى الاجازة ان شاء الله
ولا عندك اعتراض يا بت
وعلى رايك اولها اليوم اللى انتى قلتى عليه ده
بس يارب اعرف اجى اصلا
sandy:
هههههههههه
لا والله انا اصلا كاتباه قبلها وهى كتبت عندها قبل اما تشوف ده
الله يبارك فيكي يا هاجر
وانتى كمان والله هتوحشيني جدا
وبجد بجد كنت زعلانه جدا انك روحتى النهارده بدري
بس يللا معلش حصل خير
ويارب يشفي يا سمين يااااااااارب
امممم كده النتيجه يا ستى
احنا كنا 3/2
النهارده تعادل يبقى 3/2 برضه
Mirage:
يارتي محدش يفتكر النتيجه غير لما تبقى تبان بقى ربنا يسهل :@
ونشوفك على خير السنة الجابه
SIMSIMA:
والله يا اسماء انا كنت متخيله انه يا اما هيمشى ويسيبنى يا اما هيضربنى لما اركب او هيربطم
بس طلع راجل طيب ومنظقش بكلمه تقريبا لانه كان بيتكلم فى الموبايل
اول ماركبت افتكرته بيكلمنى انا بس طلع حاطط السماعه فى ودنه وبيكلم حد وعمال يقوله بقى ان هو كان هيطلق مراته ويتجوز واحده تانيه وطردها بره البيت والناس اتلمت وحاجات عجيبه كده
ومش عارفه بقى هو ليه مفيش edit
الله يبارك فيكي ع الاجازة
salaaaaaaaaam
Comment by hend89 — June 5, 2008 @ 12:59 pm
مبروك يا هند الاجازه
غنوا بقى
خدنا اجازه خدنا اجازه خدنا اجااااااااازه
بس هاتوحشونى والله يا عيال
يوم 29 مش عارفه برده ان كنت هاقدر اجى ولا لأ ..بس عموما لازم هانزل المنصوره علشان اى حاجه بس يا ريت بقى تيجو انتوا السنه اللى فاتت مافيش غير هند اللى جات ودينا شوفتها ساعه النتيجه
واستغلوا بقى الاجازه فى حاجه مفيده وياااااااارب تكون اجازه سعيده يا رب
سلاااااام
Comment by Dina — June 5, 2008 @ 1:38 pm
ايه يا بت انتي 2-3 ازااي
:P
اول مره اعرف ان زمتك واااسعه
ههههههههههه
يلا زي بعضه 3-2
Comment by sandy — June 5, 2008 @ 2:28 pm
فى اخر يوم امتحانات دايما بنحس بشعور ملغبط كده
بيبقى الواحد طاير انه الحمدلله خلص ودماغه هتروق شويه انما بيبقى فى منتهى الحزن معقوله مش هيشوفه صحابه الوقت ده كله وبعد ما كنا 10 بنات مثلا مع بعض الواحد يلاقى نفسه لوحده كده عادى
بجد مش عارفه بقه احنا فى سنه تانيه وحاسين بكده امال فى رابعه هنعمل ايه ؟
اشووووفك على خير يا هنوده وبجد وحشتينى جدااااا
ويارب الايام الحلوه ما تخلص ابدااااااااااااااااااا
Comment by احلى الاوقات — June 7, 2008 @ 7:58 pm
يسرااااااااااااااااا
اخيرااااااا رضيتي عنى ورديتي فى بلوجي
نورتى يا بت والله
ومش عاوزاكى تزعلى منى عشان انا ماقدرش على زعلك ابدا
واكيييييييد انتى كما وحشتينييييييي جدااااااااا
وعلى رايك امال فى رابعه هنعمل ايه
وخصوصا مع الناس اللى مش من نفس بلدك
يارب بعِّد اللحظه دى
Comment by hend89 — June 7, 2008 @ 8:02 pm