مش عارفه افرح ولا ازعل
السلام عليكم ورحمة الله وبركاته
يارب الدفعه كلها تكون مبسوطه من الامتحان وتكونوا كلكوا حليتوا كويس ياااااااارب
مش عارفه بصراحه انا ايه اللى حصلى النهارده
بس انا دلوقتى مخنوقه اوى ومتضايقه جدا جدا
من اول الترم اول مرة اخرج من امتحان زعلانه كده حتى الجرافيك كنت متضايقه بس مش اوى زى النهارده
اول ما اخدنا ورقة الامتحان افتكرت الامتحان صفحتين بس اللى هى الصفحة الاولى والاخيره مشوفتش اللى فى ضهر الاولى
ففرحت وقولت كويس هلحق اخلص واحل براحتى
وبعدين اتصدمت لما قلبت الورقه
عدت الصدمه
بدات احل فى السؤال الاول بعد اما بدات فيه وفضلت افكر جم قالوا انه ملغي
مش عارفه احنا فى محاضرة ولا امتحان الصراحه
المهم بعد كده قالوا ان التوتال فلوت ملغى والكوست معانا
ده ايه الهم ده ياربى
واتخنقت زياده
جت الصدمة الاكبر ان الامتحان ساعتين
زعلت اوى
بدات احل فى السؤال التانى
ولانى كنت حاسه انى مش هلحق اخلص فكنت بحل بسرعه وطبعا بدون تركيز
وقلت المهم اخلص وبعد كده فى الاخر ابقى اراجع
للاسف وصلت لاخر مساله وكان لسه خمس دقايق بس
سلمت الورقه وخرجت وانا زعلانه جدااااا
اول ما خرجت شوفت البت دينا والبت اسلام لقيتهم مبسوطين واستغربوا اوى انى زعلانه
ولقيتهم بيقولوا ان الامتحان والوقت كويسين
بداو يضحكونى وانا ولا انا هنا
اسلام راجعت معايا طلعنا حالين زى بعض
والنواتج صح وكل حاجه
بس انا حليت النقطه التانيه فى الخامس وهى حلت الاولى
رغم انى حاله كويس بس مكنتش مبسوطه
يمكن لانى كنت حاطه امل اكبر من كده ع الماده
كان نفسي اخلص براحتى واراجع واظبط الورق على مزاجى
يمكن لانى تعبت اوى فى الماده وكنت فاهماها كويس اوى
فكان نفسي اعمل فيها احسن من كده
يمكن زى ما واحده صاحبتى وحبيبتى قالتلى حسد
وقالتلى نصيحه : ان لما اكون وائقة من ماده كويس وشاطره فيها ماسيحش لنفسى
ما علينا
بس طبعا اول حاجه قلت الحمد لله على كل حال
وربنا يسهل
كان نفسي اوى يكون البوست احلى من كده
بس كان لازم اقول اللى جوايا
يللا حصل خير
ويارب اكون انا بس اللى حالتى كده
يارب يكون الناس كلها مبسوطين
سلام
اولا السلام عليكم
ثانياا الحمد لله على كل شىء ومادام انتى اشتغلتى ربنا مش هايضيع مجهودك اكييييييد … وحكاية الحسد والتسيح ده مش عارف ليه مش بقتنع
بس بقتنع بحاجة ان كله مقدر ومكتوب
واللى فيه الخير هايقدمه ربنا
يلا افرحى حسى ان مجهودك مضعش ولا حاجة وربنا هايعمل اللى فيه الخير
سلام
Comment by mr metoo — June 1, 2008 @ 2:51 pm
نودى حبى ليه بس المود ده
طيب بدل انتى راجعتى مع اسلام وطلع صح
خلاص انسى وبجد فكرى فى اللى بعده وبعدين يا بنتى سيبك من الحسد ده
هو اه حصل ليا كتييييييييييييييير جدا وجاب نتيجه الترم الاول الارض بسبب حسد ومتأكده من كده
بس برده لسه بسيح لنفسى لانى مش بعرف اخبى
وعلى فكره باين انا الوحيده اللى خلصت الامتحان فى اقل من ساعه
وكله الحمد لله راجعته مع العيال وطلع مع كذا واحده صح
فين بقه الغلط الكل مستغرب من انى احل امتحان زى ده فى سااعه (ولا تزعلى تسيح اهوه مستنيه الحسد)
فرفشى يا حبى وفوقى كده الاجازه خلاص
يلا سلامانجه
Comment by نور القلب — June 1, 2008 @ 3:04 pm
ايه ياهند… يابنتى مفيش حاجة تستاهل كل ده
اومال بقى لو شفتى ايه اللى حصل عندنا فى اللجنة كنتى هاتقولى ايه
الدكتورة بسم الله ما شاء الله عليها وانتى عارفة بقى صوتها عامل ازاى واحنا فى الاخر ..ابدا فى حل السؤال الاول واخلص فيه مطلوب تيجى هى تلغيه وايه بعد ماخلصت ربع ساعة ولا نص ساعة ايه الملغى وايه لا ” احنا بعيد بقى وكل شوية يادكتورة مش سامعين وهى ولا هى هنا ” خلصنا من دى جه بعد نص ساعة او ساعة الا ربع من الامتحان دكتور ابو السعود يكتشف اننا مش عارفين ان وقت الامتحان قل ” بقت وقت كمان ” المهم الحمد لله طلعنا من الامتحان على خير وكله تمام ومافيش حاجة مستاهلة بجد ………….. سلام واقابلك فى المادة اللى مش عارفة اذاكرها ازاى دى ” مش لاقيين حاجة يزودوها جايبينلنا جوانب اخلاقية ”
Comment by Mirage — June 1, 2008 @ 4:01 pm
هونداا حبيبتى
متزعليش ياقمر والله الحمدلله على كل شىء
وربنا اكيد مش هيضيع تعبك عالفاضى وان شاء الله تلاقى النتيجه زى مانتى مستنياها بالظبط
بعيد بقى عن اللى حصل النهارده
انا كمان كنت بدات احل فى السؤال الاول
وقاعده افكر فيه
وكل شويه احل فيه وامسح
وبعد كل ده ييجى يقولى ملغى
لا وانا كمان مكنتش قرات الورقه ولا شفت عدد الاسئله ولا حاجه وداخله متحمسه على اول سؤال فلما قالوا aملغيه
كنت فاكره ان a
فى السؤال a :d:d
وبرده مصره اكمل السؤال لولا انى سالت سيد فؤاد
بس يلا والله الحمدلله والامتحان كان حلو
ويارب ينجحنا كلنا
ويعدى الماده الباقيه على خير ونخلص بقى
Comment by bosycat — June 1, 2008 @ 4:27 pm
انا مش عارفه اقوللك ايه واعملك ايه اكتر من اللى عملته معاكى انهارده
ما تعقلى يابت مالك انتى حليتى كويس خلاص احمدى ربنا ومتزعليش
بس من الكلام اللى انتى كتباه ده انتى كنت متوتره عشان مزاكره كويس وخايفه الامتحان يطلع وحش واللجنه كانت مش مظبوطه عندكم
الحمد لله الامتحان طلع حلو خلاص يا قمر متزعليش انتى حليتى كويس هقولهالك اكتر من كده
وانتى عارفه من جوالكى انتى تعبتى اد ايييييييه من اول الترم واحنا بنزاكر فيها اكتر ماده
يبقى احنا عملنا اللى علينا وفى الاول والاخر ربنا كريم وكل واحد مش بياخد اكتر من نصيبه صح ؟؟
ويا ستى كان الله فى عون العبد ما كان العبد فى عون اخيه
يعنى ربنا برده مش هيضيع مساعدتك لغيرك وهيكرمك
خلاص متزعليش بقى واحمدى ربنا كتييييييييير اوى
وان شاء الله هتجيبى امتياااااااااز
قولى بقى آمييييييين ليه وليكى:D
سلااااااااااااااالم
Comment by katkat — June 1, 2008 @ 5:25 pm
بجد بجد شكرا ليكوا كلكوا والله اوى اوى
والحمد لله على كل حال
بس بجد انا عيطت دلوقتى
مع انى كنت فاكره انى لما نمت وصحيت خلاص نسيت
بس لما جيت اقرا الردود دلوقتى وكده بجد عيطت
وانا تقريبا عمرى ما عيطت من امتحان مهما كان حتى لو محلتش حاجه
معرفش فى ايه
يللا خير
قدر الله وما شاء فعل
الحمد لله
Comment by hend89 — June 1, 2008 @ 6:59 pm
بصي يا بشمهندسة انا هقول حاجة واحدة
بالنسبة للعنوان:
لا افرحي متزعليش
ان شاء الله كله خير
انا بجد مش بحب ألوم نفسي الا لما النتيجة تبان قدامي
جربي تعملي كده و متلوميش نفسك من دلوقتي
سلام
Comment by BooDy — June 1, 2008 @ 9:23 pm
ايه يا بت انتي مش قلتلك مش بمزاجك تزعلي
والله يا نودي انا عارفه اد ايه تعبتي في الماده دي واد ايه كان املك فيها كبير
بس الحمد لله علي كل شىء ولا ايه؟؟
يلا شدي حيلك في الكريمه عايزين امتياااز
ههههههههه
ومتنسيش النتيجه دلوقتي 2-3
مركزك في خطررررررر … فوقي
ورايحه تزعلي علي امتحااان
ده اسمه كلاام برده .. يا شيخه روحي
يلا سلااام يا قمر
Comment by sandy — June 1, 2008 @ 9:24 pm
mr metoo
بجد نفسي فعلا مجهودى ميضيعش
وبالنسبة للحسد انا برضه والله بقول كده كله مقدر ومكتوب
شكرا
نور القلب
والله انا راجعت اه وانا مقولتش انى حليت وحش
بس كان نفسي يبقى احلى من كده
بس الحمد لله والله انا حليت كويس بس مش اللى كنت عاوزاه
بس هى دى المشكله
وربنا معاكى يارب ويبعد عنك الحسد
Mirage
لا على كده يبقى احنى حالنا احسن من غيرنا بقى
يللا حصل خير
وربنا معانا فى الماده اللى جايه
وفى النتييييييييييييجه
bosycat
بحب هوندا دى منك اوي والله يا بوسى
وعلى فكره واحده صاحبتى برضه عملت زيك كده افتكرت ان النقطه a هى اللى ملغيه وحلت بقيت السؤال
معلش حصل خير
ويارب فعلا زى ما بتقولى تيجي النتيجه اللى انا مستنياها
katkat
كلامك مظبووووط اوى هو ده اللى انا حاساه برضه والله
“انتى كنت متوتره عشان مزاكره كويس وخايفه الامتحان يطلع وحش واللجنه كانت مش مظبوطه عندكم”
بالظبط كده
يارب يا ستى نجيب امتياز
وبقول آمييييييييييييين بأعلى صوتى
وبجد يا اسلام والله ربنا يخليكي ليا
انا عارفه ان انتى كنتى مخنوقه منى النهارده
يعنى انتى كنتى فرحانه من الامتحان وانا نكدت عليكي
معلش بقى صحبتك نكديه
BooDy
والله انا فعلا بحاول انسى وانى افرح ومازعلش
وانا والله مش بلوم نفسي ولا حاجه
ده انا ارفعلها القبعه على اللى هى عملته فى الماده دى والله
هو انا بس زعلانه من ظروف الامتحان
فى الجرافيك اه كنت زعلانه من نفسي لكن النهارده بقول لنفسي انتى علمتى اللى عليكي على اكمل وجه
وانا بجد خلاص هنسى كل حاجه ولما النتيجه تبان ربنا يسهل ان شاء الله
ويارب يكون البوست بتاع النتيجه حلو مش كئيب
sandy
معلش بقى نسيت اتستأذن منك قبل اما ازعل
مش هعملها تانى انا اسفه
وان شاء الله تكون النتيجه كويسه
يا راااااجل امتياز فى الجريمة
وان شاء الله النتيحه هتنتهى 4-2 :p
ربنا معايا واقدر احقق الفوز
المباراه النهائية يوم الاربع
Comment by hend89 — June 1, 2008 @ 9:38 pm
أعتقد أن الحاسوباتية الكرام قالوا كل ما يمكن أن يقال أنا بس هأقول حاجة صغيرة
قدر الله وما شاء فعل وربنا يسترها علينا فى النتيجة
أنا باخاف من التصحيح أكتر والله أهم حاجة الواحد ياخد حقه لا أكتر ولا أقل حقه بس
وفعلا بالنسبة للعنوان افرحى طبعا يا هند ده حتى الإجازة جاية
سلام يا جميل
Comment by my fate — June 1, 2008 @ 10:56 pm
بصى يا هند انا الاول عارفه ان ردى متأخر وانك خلاص خرجتى من المود ده
بس انا حاسه بيكى لما خرجتى …واسلام قالتلك ليه ..بس والله يا هند روقى وطالما انتى تبعتى ربنا مش هايضيع تعبك …وحتى لو لا قدر الله ماجبتيش التقدير اللى انتى عايزاه فى الماده ديه صدقينى بتتعوض فى ماده تانيه ..والله البنت اللى قولتلك عليها الاولى ديه هى اللى قالتلى كدا هى بتتعب وتعمل اللى عليها وبعدين تلاقيها جايبه فى مواد مثلا دكتور مجدى تقدير مش قد كدا رغم انها تعبت وتجيب فى مواد د عطوان اعلى تقديرات ..بتتعوض فى مواد تانيه ..ماتزعليش يا هند وطالما انتى علمتى اللى عليكى خلاص
معلشى بقى يا هنوده عارفه انى ردى متأخر قوى بس والله ماكانش ليا نفس افتح الجهاز خالص بعد ما روحت
يالا الحمد لله وروقى واقعدى العبى مع معاز وهو ينسيكى الدنيا كلها
بس ماتنسيش الجريمه ماشى
يالا سلااااااااام يا قمر
Comment by Dina — June 2, 2008 @ 3:30 am
my fate
فعلا والله هما قاموا بالواجب وخرجونى من المود اللى انا كنت فيه بجد
وبجد بجد ربنا يستر فعلا فى التصحيح والنتيجه
وحاضر يا ستى هفرح
وادينى بضحك اهو
ربنا يكمرمك يا جميل واهلا بيكي فى البلوج
Dina :
مش متاخر طبعا يا دينا ولا حاجه
ولا يهمك يا جميل
وخلاص انا روقت اهو وكمان لسه صاحيه من النوم دلوقتى
انتى بتقولى فيها والله انا احتمال كبير اروح لزيزو النهارده
تيجي معايا :p
Comment by hend89 — June 2, 2008 @ 12:08 pm
ولا نكديه ولا حاجه يا قمر
كلنا لها وبنتنكد على طول
ربنا يستر بقى ونفرح آخر يوم ده
عشان يجلنا نفس نخرج كلنا
Comment by katkat — June 2, 2008 @ 2:51 pm
والله يا ريت يا بت يا هند اجى معاكى
والله احلى حاجه لما الواحد يكون مضايق يقعد مع طفل برئ مش عارف حاجه فى الحياه ولسه مش شايل هم حاجه فى الدنيا
كويس انك روقتى
وايه لسه صاحيه ديه ..ده انا مواعيد نومى غريبه جدا
بقيت بقلق الفجر ولو حتى نايمه قبل الفجر بساعه الفجر بقوم اصلى ومش بيجيلى نوم بقى بفضل صاحيه وانام لما اللى فى البيت يصحوا لغايه الساعه 3 او 2 مش 12 ..لا 12 ديه بدرى جدا على فكره(وش بيضحك)..علشان مش عارفه بتجيبوه منين الوش ده
Comment by Dina — June 2, 2008 @ 5:52 pm
هو اللى جه عندنا يا دينا اهو كمان
عسل عسل والله
امممممممم 12
لا هى الساعه ساعتها كانت 3 مش 12
:)
مش هتقولك بيتجاب منين
Comment by hend89 — June 2, 2008 @ 6:26 pm
ههههههههههههههههههههه
ايه ده بجد 3 …زى يعنى
كويس انه هو اللى جيه ولو انها متأخره بس ابقى سلميلى عليه .
وشكرا يا هند
عرفت لوحدى
Comment by Dina — June 3, 2008 @ 2:55 pm