مين اللى غلطان انا ولا الدكتورة
اقول ايه واكتب ايه واعمل ايه
ولله مش عارفه بجد هو كان فى ايه النهارده اصلا
اعتقد امتحان لمادة اسمها جرافيك لدكتورة اسمها اميمة
دخلت الامتحان وكنت خايفه اوى
بدأت احل الاسئلة اللى كنت بعرفه كنت بحله واللى مش بعرفه مش بحله ولا بسبله مكان فاضى اصلا
لما وصلت لاخر الورقة بصيت فى الساعه لقيتها تلاته الا تلت
سبت ورقة الاجابه وبدات اهيس شوية فى ورقة الاسئلة
خرجت الساعه تلاته الا عشره ( أهم حاجه انى كسبت هاجر )
خرجت وفضلت قاعده لوحدى مكانش فى طبعا حد خرج خالص
فضلت افكر مع نفسى هو انا غلطانه ولالا
لحد اما هاجر خرجت الساعه تلاته وشوية كده وفضلت قاعده معاها بقى
المهم ان الناس كلها كانوا بيدعوا ع الدكتورة وبيقولوا ان الامتحان صعب
بس اكيد فى ناس حلت كويس
بس انا ماشية تبع المقوله اللى بتقول ( لا تلومن إلا نفسك )
مؤمنة بيها اوى
قولت انى بجد لو محترمة نفسي وعامله اللى عليا مكانش هيبقى ده حالى مكنتش هخرج بعد اقل من ساعه
بجد الغلط مش ع الدكتورة
انا اللى غلطانه
انا اللى بستهبل
انا اللى مش بزاكر
واستاهل كل اللى بيحصلى ده بجد والله
لو فضلت اكتب للصبح مش هبطل كتابه بجد
كفايه كده كلام لان من كثر كلامه قل فعله
ان شاء الله ناوية السنة الجابه على نية تانية خالص
ربنا يسهل
وهحاول انسى اللى حصل النهارده لحد اما تبقى النتيجه تبان بقى وربنا يسهل
والله انا مكسوفه ادعى واقول يارب انجح
لانى ماستاهلش ده اصلا
ربنا يسهل بقى السنة الجايه ويارب ادخلها وانا مش معايا مواد يااااااااارب
جملة مشهورة اوى كنا بناخدها فى حالات اف على طول
if u study hard , u ‘ll get high marks
خلاص يا هند اللي حصل حصل
وفعلا احنا اللي غلطانين لاني انا كمان زيك ما زكرتش مزاكره ترضي ربنا
وكنت اتمني اكتب اول تعليق ليا في حاجه احسن من كده
وربنا يسترررررررر بجد
soso
Comment by Anonymous — May 28, 2008 @ 3:12 pm
اللى حصل حصل خلاص وبلاش تفكير ف اللى فات
اهم حاجه اننا نتعلم من غلطنا , وان شاء الله النتيجه هاتكون حلوه , وربنا ان شاء الله هايكرمنا جميعا ف
النتيجه
بس هو امتحانات الدكتوره اميمه مالها كده الترم ده ,بدأت برابعه وبعدين تالته وبعدين تانيه
ربنا معانا ان شاء الله
Comment by ِAmr — May 28, 2008 @ 3:20 pm
ولا يهمك يا سمسم اعتبرى نفسك علقتى ع اللى فات
وكويس انى لقيت حد زيي بيقول ان احنا اللى غلطانين
شكرا ليك يا بشمهندس عمرو
وان شاء الله بجد هتعلم من غلطي
وربنا يكرمنا فى النتيجه يارب
Comment by hend89 — May 28, 2008 @ 3:53 pm
its not our fault
بجد احنا اتظلمنا جامد في المادة دي بالذات خصوصا بوجود الشيء اللي اسمه جمال
انا شايف ان في حالات المفروض متلوميش فيها نفسك … زي الحالة دي كده
اظن انتي كنتي شايفة الدكتورة كانت كل شوية تسيب المحاضرة و تمشي و احنا نتحايل عليها بقى و مش عارف ايه
و جمال كان بيقعدنا بالكتير نص ساعة في السكشن .. و لو طول يبقى بيحكي قصة حياته
يبقى ليه تلومي نفسك؟!!
اظن مفيش سبب يخلينا نعمل كده
ربنا معانا كلنا ان شاء الله و ربنا يستر في النتيجة بقى
سلام
Comment by BooDy — May 28, 2008 @ 5:31 pm
الغلط الكبييييييييييير اوى على اميمه والاخ جمال
حسبى الله ونعم الوكيل
ويا رب استرها معانا
لأ واحنا كمان من كتر ما بنحب اميمه داخلين CS
يللا خير ربنا يستر
سلام عليكم
Comment by katkat — May 28, 2008 @ 5:57 pm
هند اقولك على حاجة ممكن لو شفتينى وقت ماتقري الكلام ده كنتى ترمينى باللى قدامك؟
زى ماقولت كدة لبسمة بردو لما خرجنا الامتحان بجد كان سهل وماخرجش عن اللى اتاخد مش هاقول محاضرات لاننا مكناش بنحضرها تقريبا بسبب اللى البشمهندس بوودى قاله وبردو نفس النظام بيدينى جمال بس مش معنى كدة انى سكت انا حضرت لغيره وبحضرله بردو لكن علشان الغياب مش اكتر ……… على فكرة انا هبلت بردو بس احنا الغلط علينا ومن غير تحيز الاسئلة فى مستوى الطالب المتوسط
بس بصراحة احنا اللى مكبرين على الاخر
انا لما خرجت وبسمة وجينالكوا قولنا بلاش كلام وبلاش مراجعة والكلام ده لاننا عارفين الحال
وارجو انى مااضايقش حد بكلامى ده ……. لان واضح ان الصفة دى مشتركة بينا انا وانتى بنلوم نفسنا الاول على اللى بيحصلنا وبعدين غيرنا
سلام ياجميل
Comment by Mirage — May 28, 2008 @ 6:08 pm
اه نسيت انى اباركلك على البلوج …. انا قولت انى هادخله معلش على التاخير فى دخوله وفاتنى مواضيع كتيرة ليكى بس اكيد الجاى احلى ان شاء الله
المهم ربنا يوفقك فى بقيت المواد ياجميل وربنا معانا ان شاء الله
Comment by Mirage — May 28, 2008 @ 6:15 pm
BooDy:
انا بجد حليت وحش اوى اوى لدرجه غبيه يعنى
هو عشان انا زاكرت بنسبة قليله اوى جايز عشان كده متضايقه من نفسي
وبقول انى لو كنت زاكرت اكتر كنت حليت كويس عن كده
مش هقول حليت كويس اوى بس ع الاقل احسن من اللى انا عملته
وبعيدن ارجع اقول مهم اللى زاكروا كويس برضه معرفوش يحلوا
يبقى العيب مش فينا
والله مبقتش عارفه
KaKat:
على رايك من كتير حبنا فيها داخلين سي اس
ربنا ياخدها من الكلية يارب ومتديلناش تانى ابدا
Mirage:
اهو انتى الوحيده متهيقلى اللى بتقولى ان الامتحان فى مستوى الطالب المتوسط
اللى زاكروا بقى هم اللى يقولوا انتى كلامك صح ولا غلط لانى بجد مقدرش احكم ع الامتحان
وفعلا انا بلوم نفسي قبل ما الوم حد تانى
بس ياريتنى بتعلم بعد كده
والله انا نفسي اوى حد يديني جرعة عزيمة
واهلا بيكي ياجميل فى البلوج
نورتى يا جميل
Comment by hend89 — May 28, 2008 @ 7:14 pm
والله ياهند الغلط مش فينا احنا .بدليل اننا اخدنا مواد اتقل من الجرافيك مليووووون مره ومع ذللك ربنا وفقنا فيها واشتغلنا فيها صح .لان كان فيها ناس بيراعوا ضميرهم وبيشتغلوا صح.وبيتهيالى لوبصينا للجرافيك هنلاقيها من ابسط المواد الا خدناه بس المشكله ماحدش راعى ضميره فيها وحاول يوصلنا معلومه تثبت .وكمان كلنا اساوينا ببعض الا ذاكر الماده مع الا راجعها كتحصيل حاصل والكل ثبت على انهم سوالين ضامنهم ان شاء الله والباقى كننا بنحل فيه كلمات متقاطعه ونلون فراغات فى الورقه…(ههههههههههههه) اقوللك على حاجه بس تتضحكى .انا اول ما اخدت ورقه الا سئله وبصيت لاول سوال اتفالت بس الحمد لله ما استمرش التفاول كتير من بعد تانى نقطه وفى ثوانى لقيتنى بحل فى نقطه فى التالت وبعدها بثانيه كنت بحل فى اخر نقطه فى السوال الرابع ورجعت على كل الا حليته وخلصت .ببص فى الساعه لقيتها لسه 2ونصف .جتلى هستريه ضحك وبقيت عامله زى العبيطه .رحت قفله الورقه وفوقها ورقه الاسئله واستغفرت ربنا شويه وقلت اقرا قران لغايه مالعيال يخلصوا.بدات بصوره البقره علشان الوقت يعدى .لسه ببدا صعقتت لما لقيت الدكتوره اميمه ورايا وبتبص باستغراب كده على ورقتى المقفوله هههههه قلت احترم نفسى احسن وافتح الورقه وامسك القلم يمكن القلم يكتب حاجه من الا ذاكرها .فضلت املى فراغات كده فى الورقه وربنا الهمنى بكلمتن كتبتهم .وبعدين الوقت مش بيعدى وما فيش اجابه بتجى على بالى وكراسه الا جابه فاضيه ههههههه رحت جايبها من الاخر وفضلت اسمع فيها كل الحاجات الا حفظها .ارتحت لما عملت كده مع انى مش ضامنه نتيجه العمله دى بس ربنا يستتتر .وما صدقت اول واحد سلم الورقه قمت علطول مسلمه الورقه وكنت خاره الساع 3 وربع .شفت هم يضحك اكتر من كده .وفى الاخر مش عاوزه اكتر من حقى حتى لوكنت مقصره انا راضيه بيها.
سورى يجميل عالرغى ده بس بجد كنت مخنووووقه اوووووى
Comment by nour — May 28, 2008 @ 7:35 pm
انتى عارفه انا وانا قاعده فى الامتحان انهارده كنت بقول “يارب انا حاولت اعمل على قد ماقدرت ,يارب
حتى ولو انا قصرت زدنى انت بعطفك وكرمك ورحمتك يارب”
على فكره يا هند حتى لو انتى كنتى زاكرتى كويس جداااا كنتى هاتقولى ان انا مقصره برضه وكل ده عشان الامتحان كان صعب
بس على فكره انتى الحمد لله زاكرتى وانا عارفه كده كويس ولو الامتحان كان اسهل من كده كان زمانك حليتى كويس
يعنى هانرجع لالاخر ونقول ان صعوبه الامتحان+معوقات تانيه هى السبب
لكن لاتلومن نفسك يا اختاه “لوم النفس لا يفيد ولكن
الدعاء يفيد”
انتى عارفه طبعا انا مين؟
انا الميلامين ,يوه قصدى انا : انجل
فكى بقى وربنا هايسهل ان شاء الله
Comment by angel — May 28, 2008 @ 8:22 pm
ربنا معانا كلنا ان شاء الله ومش حضرتك بس اللى كدا كلنا والله وده اللى مصبرنا
وربنا معانا وماتزعليش ومتوقفيش حياتك وعلى ما اسمع ان المادة الجاية انتى بتحبيها شدى حيلك وان شاء الله ربنا معانا
سلام
Comment by mr metoo — May 28, 2008 @ 9:55 pm
nour:
شكرا لردك وفضفضى براحتك ولا يهمك
كله شبه بعضه
ما علينا
ويارب ان شاء الله كلنا ننجح
angel:
يا مرحب يا مرحب
شكرا ليكي يا جميل وربنا يوفقك يارب ان شاء الله طالما زاكرتى وعملتى اللى عليكي
mr metoo:
كلنا لنا الله
ربنا يستر والله
هو انا اه لومت نفسي اوى بس الحمد لله مش لدرجة انى وقفت حياتى وقعدت اندب حظي يعنى
الحمد لله بدأت مزاكرة من امبارح كمان وصاحيه بدرى النهارده وزاكرت شوية برضه اهو
وبالنسبة للاو ار فانا فعلا بموووووووووت فيها
يااااااااااارب اجيب فيها امتياز
ادعوليييييييي
امنيتى الوحيده الترم ده والله
thanx 4 all
salam
Comment by hend89 — May 29, 2008 @ 6:59 am
خير ان شاء الله
ومتقلقيش هدخولى قسم المجانين(cs)
ههههههههههههه
يعنى متخفيش هتجننى هتجننى
وبعد كده اخرجى فى الوقت
بجد انا استغربت انك خرجتى بدرى
قلت ياما الامتحان تافه لدرجه انه يخلص فى دقيقه
لان منرايىء انه كان سهل ممكن نمره صعبه بس لو فكرتى هتجبيها
وياما انك سبتى الورقه بيضه وقومتى
بس خير
وربنا يكرمك ويكرمنا
ان شاء الله
Comment by wesam — May 29, 2008 @ 7:39 am
طبعا يا وسام مش لانه سهل
بس برضه يعنى والله الورقه مش بيضا اوى
فيها شوية كلام كده
وبالنسة ببجنون بقى اعتقد ان انا خلاص وصلتله من قبل سى اس
مش عارفه بصراحه هعمل ايه بقى لما ادخل سي اس
هما فى البيت بيعترفوا ان انا خلاص اتجننت
ربنا يستر
Comment by hend89 — May 29, 2008 @ 9:16 am
ههههههههههههه مبروك يا هند ع الجنون
بس هما بتوع سى اس نسبه الجنون فيهم اكتر من اى اس
يالا انتى شوفتينى بعد الامتحان
بس والله انتى والبت كات كات خرجتونى من المود اللى كنت فيه شويه
يالا ركزى يا جميل ف الاو ار
وابقى اتهدى اركزى شويه ومش تخرجى بدرى
والله كان هاين عليا احكعبلك وانتى خارجه
Comment by Habhoba — May 29, 2008 @ 12:16 pm
مانتى عارفانى يا هبه
ورقة الامتحان بتقرصنى مش بقدر اطول
بس ان شاء الله فى الاو ار هطلع الساعه 5
:D
Comment by hend89 — May 29, 2008 @ 2:26 pm