الجرافيك دمرت الكل
السلام عليكم ورحمة الله وبركاته
النهارده عندنا امتحان جرافيك
يعنى ماده ميه ميه
يعنى دكتورة اميمه
يعنى الطيبه والحنان
يعنى الامتحانات السهله
بجد ربنا يستر فى المادة دى
معظم الدفعه مش عارف حاجه فى الماده
ده حتى فى المنتدى قل امتحان كل ماده بيبقى موضوع الاسئلة والاستفسارات ده فى ولا 100 سؤال
لكن اول ماده يبقى الموضوع نايم فيها كده
دليل طبعا ان الناس كلها مش محتاجه تسال
لان محدش عارف يسال فى ايه ولا ايه ولا ايه
كل واحد حالته باينه فى توقيعه
لا وكمان ايه
امبارح كان فى امتحان لسنة تالتة للدكتورة العظيمة ومحدش عرف يحل حاجه
بشرة خير طبعا لينا النهارده
شكل ال3 مواد اللى فاتوا عشان كانوا سهلين ومحدش كان زعلان
النهارده متهيقلى هيبقى دمار
وفى الاخر لا نقول الا
حسبنا الله ونعم الوكيل
اتحسبنا كتير اوى السنة دى
ربنا يستر
يا ترى هخرج الساعه كام النهارده !!
واكيد هيكون فى بوست تانى بعد الامتحان ان شاء الله هزصف فيه حالتنا النهارده
ده لو كنت لسه عايشه
سلام
ازيك ياهند ؟
(
(
مادة الجرافيكس دى بجد انا والله قاعدة على اعصابى وحاسة انى نسيت اىى حاجة قريتهاااا .. والله بجد انا مرعوبة جدااااااااااااااا..وعايزة اعيط
ومش متخيلة ازااااااى بعد ساعتين هنكون فى اللجنة والمفروض اننا بنحللل
يالهوووووى … استر ياااااااااااااارب
دعواتكممم ننجح ياااااااااارب
سلام بقى احسن هعيط بجد
Comment by baby — May 28, 2008 @ 8:40 am
تاريبا احنا طلعنا من الامتحان -مش متاكد والله- بس الواحد لسة بيتنفس
ربنا معانا في اللي جي
و يستر في اللي راح
Comment by eslam.mahmoud Hunikal — May 28, 2008 @ 3:38 pm
الحمد لله يا بابى تمام
تخيلتى ولا لسه ؟؟
اكيد خلاص حصل ده حقيقة مش خيال
بشمهندس اسلام:
الحقيقة ان احنا خلاص خرجنا
مبقتش تفرق جوه من بره
وربنا يستر فى اللى جاى يااااااارب
Comment by hend89 — May 28, 2008 @ 3:49 pm