النهارده كان امتحان احصاء واخدنا ورق الرغبات
السلام عليكم ورحمة الله وبركاته
النهارده كان عندى امتحان احصاء
وماشاء الله عليا بادئة مزاكرة امبارح بالليل بس
متفوقه انا طبعا
بس الحمد لله الامتحان جه كويس
وحليت كويس إلى حد ما يعنى
ربنا يستر
ده الدكتور كان جايب الامتحان بنفس الأرقام اللى فى الكتاب واللى شرحها فى المحاضرة
متهيقلى لانه ميعرفش يجيب مسائل تانيه من عنده
ما علينا
وكمان أخدنا ورق الرغبات بتاعة الأقسام
ان شاء الله هكتب
الرغبة الأولى : سي اس
التانيه : اى تى
التالته : اى اس
التوقيع : هند 
انا حابة قسم سي اس جدا جدا
والحمد لله طبعا يعنى صليت استخارة
ربنا يسهل يارب وامشى فيه كويس
وربنا معايا ومع الدفعه كلها فى باقى الامتحانات وفى السنين الجايه ان شاء الله
ههههه التوقيع هند لأ اكتبى طالبه
دى
بجد الحمد لله الامتحان كان حلو
الانوفا تو واى مجتش كنت زعلانه اوى بعد كل القوانين
يلا خير خير
و ان شاء الله هدخل سى اس
يااااااه نفسى سنه تالته تيجى بسرعه
يا رب وفقنا كلنا
يلا يا بت سلام كده كفايه عليكى
Comment by katkat — May 25, 2008 @ 6:05 pm
برضه مصممه سي اس
ماااشي يا سيتي ربنا يتتمهالك علي خير يا رب
ويوفق الجميع
اه من الحق علي راي كات كات انتي كنتي ناويه توقعي بايه
طالبه مثلا
Comment by sandy — May 26, 2008 @ 6:53 pm
خلاص همسح هند واكتب طالبه
وانا والله يا بت يا اسلام نفس اوى السنة الجايه تيجي بقى
انا مشتاقه للقسم ده اوى بجد
هاجر حبيبت قلبى
والله يا هاجر لسه النهارده كنت بقول لنفسي انى زعلانه اوى عشان مش هنبقى فى قسم واحد
والله قعدت افكر كده وكنت زعلانه جدا جدا
يللا خير
بس اكيد هنشوف بعض كتير برضه فى الكلية ان شاء الله
بس يا خسارة مين هيسابقنى فى الامتحان
اما نشوف مين هيرخج فى الجرافيك الاول
سلالم
Comment by hend89 — May 26, 2008 @ 7:50 pm
انا الحمد لله كتبت الرغبااااااااااااااات
اى تى
وبعدها اى اس
وبعدها سى اس
والتوقيع هبه
بس المفروض يا طالبه انك تكتبى توقيعك هند ومش تسمعى كلام العيال
عايزين يضحكو عليكى ويقولو الهبله ايه اللى كتبت توقيع طالبه
Comment by habhoba — May 26, 2008 @ 9:28 pm
ايه ده بجد يا هبه
تصدقى افتكرتهم بيتكلموا بجد
انتى كده انقذتيني
ربنا يوفقك يارب وتدخلى اى تى وتتفوقى فيه ان شاء الله
Comment by hend89 — May 26, 2008 @ 9:38 pm