hend

اقول ايه واكتب ايه واعمل ايه

ولله مش عارفه بجد هو كان فى ايه النهارده اصلا

اعتقد امتحان لمادة اسمها جرافيك لدكتورة اسمها اميمة 

دخلت الامتحان وكنت خايفه اوى

بدأت احل الاسئلة اللى كنت بعرفه كنت بحله واللى مش بعرفه مش بحله ولا بسبله مكان فاضى اصلا

لما وصلت لاخر الورقة بصيت فى الساعه لقيتها تلاته الا تلت

سبت ورقة الاجابه وبدات اهيس شوية فى ورقة الاسئلة

خرجت الساعه تلاته الا عشره ( أهم حاجه انى كسبت هاجر )

خرجت وفضلت قاعده لوحدى  مكانش فى طبعا حد خرج خالص

فضلت افكر مع نفسى هو انا غلطانه ولالا

لحد اما هاجر خرجت الساعه تلاته وشوية كده وفضلت قاعده معاها بقى

المهم ان الناس كلها كانوا بيدعوا ع الدكتورة وبيقولوا ان الامتحان صعب

بس اكيد فى ناس حلت كويس

بس انا ماشية تبع المقوله اللى بتقول ( لا تلومن إلا نفسك ) 

مؤمنة بيها اوى

قولت انى بجد لو محترمة نفسي وعامله اللى عليا مكانش هيبقى ده حالى مكنتش هخرج بعد اقل من ساعه

بجد الغلط مش ع الدكتورة

انا اللى غلطانه

انا اللى بستهبل

انا اللى مش بزاكر

واستاهل كل اللى بيحصلى ده بجد والله

لو فضلت اكتب للصبح مش هبطل كتابه بجد

كفايه كده كلام لان من كثر كلامه قل فعله

ان شاء الله ناوية السنة الجابه على نية تانية خالص 

ربنا يسهل

وهحاول انسى اللى حصل النهارده لحد اما تبقى النتيجه تبان بقى وربنا يسهل

والله انا مكسوفه ادعى واقول يارب انجح

لانى ماستاهلش ده اصلا

ربنا يسهل بقى السنة الجايه ويارب ادخلها وانا مش معايا مواد يااااااااارب

جملة مشهورة اوى كنا بناخدها فى حالات اف على طول

if u study hard , u ‘ll get high marks 

السلام عليكم ورحمة الله وبركاته

النهارده عندنا امتحان جرافيك

يعنى ماده ميه ميه

يعنى دكتورة اميمه

يعنى الطيبه والحنان

يعنى الامتحانات السهله

بجد ربنا يستر فى المادة دى

معظم الدفعه مش عارف حاجه فى الماده

ده حتى فى المنتدى قل امتحان كل ماده بيبقى موضوع الاسئلة والاستفسارات ده فى ولا 100 سؤال

لكن اول ماده يبقى الموضوع نايم فيها كده

دليل طبعا ان الناس كلها مش محتاجه تسال

لان محدش عارف يسال فى ايه ولا ايه ولا ايه

كل واحد حالته باينه فى توقيعه

لا وكمان ايه

امبارح كان فى امتحان لسنة تالتة للدكتورة العظيمة ومحدش عرف يحل حاجه

بشرة خير طبعا لينا النهارده

شكل ال3 مواد اللى فاتوا عشان كانوا سهلين ومحدش كان زعلان

النهارده متهيقلى هيبقى دمار

وفى الاخر لا نقول الا

حسبنا الله ونعم الوكيل

اتحسبنا كتير اوى السنة دى

ربنا يستر

يا ترى هخرج الساعه كام النهارده !! 

واكيد هيكون فى بوست تانى بعد الامتحان ان شاء الله هزصف فيه حالتنا النهارده

ده لو كنت لسه عايشه

سلام 

بجد لما بشوف الضحكه دى لازم اضحك

ضحكه تنسى الواحد همومه بجد

الاطفال احباب الله

http://www.youtube.com/watch?v=5P6UU6m3cqk 

هريدى: كيفك يا هنداوى عامل ايه ؟ بجالى مده ماشفتكش ..كيفك وكيف ابوك

هنداوى: أنا ماشي حالي الحمد لله بس الوالد البجية فى حياتك

هريدى: البجيه فى حياتك.. عارف كان عندو الجلب يالله الله يرحمو‎

هنداوى: بس والله ما مات من الجلب‎

هريدى: معجول ؟! كيف توفى؟‎

هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور‎

هريدى: واه واه موته وعره جوى، بكل الأحوال الله يرحمو‎

هنداوى: والله تعذبنا فيه كتير وعملنالو حوالى 12 عملية ليتحسن

هريدى: لكن كيف توفى؟‎ !

هنداوى: صار يمشى على عكازة ومرة عم بيجطع الطريج، سيارة مسرعة خبطتو‎

هريدى: يا لطيف … الله يرحمو‎

هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب‎

هريدى: الله يرحمو بكل الأحوال‎

هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن‎

هريدى: طيب كيف مات‎

هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم‎

هريدى: الله يرحمو ارتاح‎

هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس‎

هريدى: لكان كيف مات؟‎ !

هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها‎

هريدى: يا لطيف على الموتة دى الله يرحمو‎

هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة‎

هريدى: فهمنا كيف مات‎ !!!!

هنداوى: والله اخر ما زهقنا اضطرينا نـطـخـه

من كام يوم كده كنت نايمه

وطول مانا نايمة كنت حاسه انى نايمة جوه المنتدى

وعماله اتكلم مع الاعضاء كلهم اللى فى المنتدى

وارد على مواضيع واكتب مواضيع

كل ده وانا نايمه

كان بيحصلى حاجات غريبه اوى الليلة دى

المهم ماما جت تصحينى بقى عشان اصلى الفجر

فانا حيرانه اوى قبل اما ارد عليها

حيرانه مش عارفه ارد عليها ازاى

ارد عليها فى نفس الموضوع ولا ارد عليها فى موضوع جديد

بجد والله حصلى كده 

بجد كنت حاسه انى نايمه فى منتدى مجسم

وبعد كده استوعبت بقى ان انا المفروض اقوم فقومت

قعدت اضحك على نفسي جامد اوى والله

ربنا يستر عليا

شكلى هتجنن قريب 

كن سعيداً

         الإيمان والعمل الصالح هما سر حياتك الطيبة ، فاحرص عليهما

         اطلب العلم والمعرفة ، وعليك بالقراءة فإنها تذهب الهم

         جدد التوبة واهجر المعاصي ؛ لأنها تنغص عليك الحياة

        عليك بقراءة القرآن متدبراً ،وأكثر من ذكر الله دائماً

        أحسن إلى الناس بأنواع الإحسان ينشرح صدرك

         كن شجاعاً لا وجلاً خائفاً ، فالشجاع منشرح الصدر

         طهر قلبك من الحسد والحقد والدغل والغش وكل مرض

          اترك فضول النظر والكلام والاستماع والمخالطة والأكل والنوم

         انهمك في عمل مثمر تنسَ همومك وأحزانك

          عش في حدود يومك وانس الماضي والمستقبل

        انظر إلى من هو دونك في الصورة والرزق والعافية ونحوها

        قدِّر أسوأ الاحتمال ثم تعامل معه لو وقع

         لا تطاوع ذهنك في الذهاب وراء الخيالات المخيفة والأفكار السيئة

          لا تغضب ، واصبر واكظم واحلم وسامح ؛ فالعمر قصير

          لا تتوقع زوال النعم وحلول النقم ، بل على الله توكل

         أعطِ المشكلة حجمها الطبيعي ولا تضخم الحوادث

         تخلص من عقدة المؤامرة وانتظار المكاره

        بسِّط الحياة واهجر الترف ، ففضول العيش شغل ، ورفاهية الجسم عذاب للروح

         قارن بين النعم التي عندك والمصائب التي حلت بك لتجد الأرباح أعظم من الخسائر

          الأقوال السيئة التي قيلت فيك لن تضرك ، بل تضر صاحبها فلا تفكر فيها

        صحح تفكيرك ، ففكر في النعم والنجاح والفضيلة

          لا تنتظر شكراً من أحد ، فليس لك على أحد حق ، وافعل الإحسان لوجه الله فحسب

          حدد مشروعاً نافعاً لك ، وفكر فيه وتشاغل به لتنسى همومك

          احسم عملك في الحال ولا تؤخر عمل اليوم إلى غد

          تعلم العمل النافع الذي يناسبك ، واعمل العمل المفيد الذي ترتاح إليه

          فكر في نعم الله عليك ، وتحدث بها واشكر الله عليها

          اقنع بما آتاك الله من صحة ومال وأهل وعمل

          تعامل مع القريب والبعيد برؤية المحاسن وغض الطرف عن المعائب

          تغافل عن الزلات والشائعات وتتبع السقطات وأخبار الناس

          عليك بالمشي والرياضة والاهتمام بصحتك ؛ فالعقل السليم في الجسم السليم

          ادع الله دائماً بالعفو والعافية وصالح الحال والسلامة

يــا الله

 
( يَسْأَلُهُ مَن فِي السَّمَاوَاتِ وَالْأَرْضِ كُلَّ يَوْمٍ هُوَ فِي شَأْنٍ )

 إذا اضطرب البحرُ ، وهاج الموجُ ،  وهبَّتِ الريحُ ، نادى أصحابُ السفينةِ : يا الله

 إذا ضلَّ الحادي في الصحراءِ ومال الركبُ عن الطريقِ ، وحارتِ القافلةُ في السيرِ ، نادوا : يا الله

 إذا وقعت المصيبةُ ، وحلّتِ النكبةُ وجثمتِ الكارثةُ ، نادى المصابُ المنكوبُ : يا الله

 إذا أُوصدتِ الأبوابُ أمام الطالبين ، وأُسدِلتِ الستورُ في وجوهِ السائلين ، صاحوا : يا الله

 إذا بارتِ الحيلُ وضاقتِ السُّبُلُ وانتهتِ الآمالُ وتقطَّعتِ الحبالُ ، نادوا : يا الله

 إذا ضاقتْ عليك الأرضُ بما رحُبتْ وضاقتْ عليك نفسُك بما حملتْ ، فاهتفْ: يا الله

السلام عليكم ورحمة الله وبركاته

النهارده كان عندى امتحان احصاء

وماشاء الله عليا بادئة مزاكرة امبارح بالليل بس

متفوقه انا طبعا

بس الحمد لله الامتحان جه كويس

وحليت كويس إلى حد ما يعنى

ربنا يستر

ده الدكتور كان جايب الامتحان بنفس الأرقام اللى فى الكتاب واللى شرحها فى المحاضرة

متهيقلى لانه ميعرفش يجيب مسائل تانيه من عنده

ما علينا

وكمان أخدنا ورق الرغبات بتاعة الأقسام

ان شاء الله هكتب

الرغبة الأولى : سي اس

التانيه : اى تى

التالته : اى اس

التوقيع : هند

انا حابة قسم سي اس جدا جدا

والحمد لله طبعا يعنى صليت استخارة  

ربنا يسهل يارب وامشى فيه كويس

وربنا معايا ومع الدفعه كلها فى باقى الامتحانات وفى السنين الجايه ان شاء الله

هو ليه ابنات بقوا كده ؟

هو ليه المحلات بقت كده ؟

هو ليه الاهالى موافقين على كده ؟

لبس البنات بجد بقى لا يطاق المناظر بقت بشعه اوى والبنات بيقلعوا خطوة خطوه خلاص البادى الكرينا بقى الزى الرسمي لكل البنات اللى مش لابسه بادى كارينا متبقاش بنت

انا بكره البتاع ده اوى بجد والله

ولا كمان البرموده اللى من نفس القماشه

هو فى ايه؟ 

انا بصراحه مش عارفه ايه اللى بيحصل ده هما مبيتكسفوش من اهلم هو باباها ومامتها مش يبخافوا عليها

الواحده بمنظرها ولبسها ده معرضه بكل
سهوله والله لحاجات وحشه كتير اوى

اكيد كلنا عارفين اى هيا الحاجات دى

 وكل اللبس اللى فى المحالات اصلا منظره بشع

ما علينا من اللبس لانى كده كده مش بشتريه الحمد لله

نيجي بقى للمشكله الكبرى الا وهى :

الجزم والشنط

ايييييييييييييييييييييه ده ؟؟؟؟؟؟؟

شنطة صفرا !!!!

شانطه حضرا !!!

طب وده من ايه ده

يا لهوي امشى فى الشارع بشنطه صفرا

اللى خلانى اكتب الموضوع ده ان من تلات اربع ايام كده اختى كانت عاوزة تشتري جازمه وشنطه

نزلنا نتفرج وياريتنا مانزلنا

المحلات كلها اصفر واحضر وبنفسجي شنط وجزم

كل اما ندخل محل نفس الاولوان

خلاص الحاجت التانيه انقرضت ومبقتش موجوده

والله فضلنا نلف شويه وفى الاخر ملقناش حاجه ينفع تتشري

يعنى ايه المطلوب منى دلوقتى 

البس شانطه صفرا يا اما مشتريش شنط

والله انا اقعد فى بيتنا احسن

اكرملى

ولاااااا حول ولاااااااا قوة إلااااااا بالله